شاهد .. الفنان "شريف منير" يتوعد المسيئين : "دول بناتي اللي اتهانوا واتجرحوا"

صحيفة المرصد : ظهر الفنان المصري شريف منير ، في مقطع فيديو جديد له وهو يتوسط بناته ، عبر حسابه الشخصى بموقع الصور إنستجرام، ليوجه رسالة لكل المنتقدين والمتنمرين الذين انتقدوه على صورة بناته التى نشرها منذ أيام.
بيكلموني بالدين
وقال شريف منير: "دول المذنبين، دول المتهمين، اللي عملوا المصيبة، اللي أذوا الناس، اللي أذوا الدين، لأن الناس اللي شتموني ملائكة، بيكلموني بالدين، البنتين الكبار أوي دول هما اللي أذوا الدنيا كلها، عموماً بشكر كل الناس اللي وقفت جنبي ، ودعمتني ودعمت ولادي" .
وأضاف منير: "أنا بطلب من الناس إن يبقي فيه وقفة قوية، يجوز إننا كنا نقطة تحول، لازم كلنا نبقى إيد واحدة، أي أذى يجيلك، أو أي تنمر يحصلك، اعملوا بلاغ، الاهتمام غير طبيعي من السيد النائب العام، والناس فارق معاها جداً جداً ، وعاوزين يساعدوا جداً جداً ، لازم نحط حدود للناس اللي بتمشيلنا حياتنا".
الرد هيبقى جامد أوي
وتابع شريف منير : "دول بناتى اللي اتهانوا واتجرحوا علشان كنت فرحان بيهم، فأخدت على دماغي جامد، بس الرد هيبقى جامد أوي".
بينما وجهت ابنته فريدة رسالة قائلة: "عاوزة أقول إن أنا اتهنت وأتاذيت وعاوزة حقي وحقي هيرجعلي إن شاء الله"، وقالت ابنته كاميليا: "ناس كتير شتمتني وشتمت بابا، وأنا مبحبش حد يشتم بابا، وأنا عاوزة أخد حقي"، ليختتم منير قائلاً: "وأي حد يتعرض لأذى أو إهانة هيجيله حقه لحد عنده، لإن إحنا في دولة قانون".